泳儿昨日出席记者会宣佈将于10月16日假九展Star Hall举行《重新感应泳儿演唱会》，当日更是她的生日，她笑言可以有藉口叫朋友买飞当是送给她的生日礼物。
相隔三年再开个唱，泳儿感恩地说：「对上一次开骚已经係十周年演唱会，好感恩出道冇耐就有个人演唱会，过去三年因为状态唔好，个心好想开，但身体状况问题做唔到，所以更加珍惜今次，望能保持最佳状态。」
说到开骚当日适逢是她的生日，泳儿笑指是经过择日：「本身係想十一月开，但因为啲期问题，经理人话要早少少开，择咗好日子，个心窒一窒，原来拣咗我生日，冇得话唔好。」她笑谓不介意送飞给朋友睇骚，但今次生日就有藉口叫朋友买飞，当是送生日礼物给她。
自爆两度跌nude bra
说到生日要开骚，岂不是不能同男友撑枱脚庆祝？她冧笑话：「男友嗰日都要一齐开工，负责我嘅髮型，我成日都拣特别日子开骚，之前试过情人节开骚。（男友有冇诈型？）唔止男友，工作人员都诈型，今次好彩係自己生日。」
泳儿又透露今次的歌衫很靓之馀，都会以安全为主，因她是大汗之人，怕出太多汗会令胶纸不够黐力，她自爆试过跌了nude bra：「我唔可以着冇吊带内衣，惊跳跳吓唔见咗啲嘢，之前都试过喺巴士成个nude bra跌咗出嚟，发现到前面轻鬆咗咁！（但你之前预告会性感上阵。）性感唔等于少布，露脚都得，今次啲衫係度身订做。（够唔够胆着高叉泳衣型歌衫？）都够胆着，唔走光就得。」为了练出廿二吋腰，泳儿表示不单戒吃宵夜，还勤做健身。 文章来源：新锦江娱乐：www.xjj6789.com
